'
सव्वाशे वर्ष जगलो,
तर मी ही गीता सांगेन ,
पोरींकडे नका बघू म्हणत
सोबत दारुबंदीही सुचवेन..
काम-क्रोध, मोह-माया ,
अडवतात म्हणे स्वर्गाची वाट..
तुला तरी आवडेल का सांग
बिन मसाल्याच्या जेवणाचा थाट ??
साध-सरळ 'विकारी'
आयुष्य मला जगु दे
मरायच्या आधीच नको मारू,
मरेपर्यंत जगु दे
तोपर्यंत मात्र देवा ,
एक Request आहे... Please
आत्म्याच्या उन्नतीबद्दल
एक शब्दही नको बोलू...PLEASE !!
वचन देतो देवा तुला,
मरताना नक्की चांगला वागेन
सव्वाशे वर्ष जगलोच ,
तर... मीही गीता सांगेन !!!!
- डॉ. रविराज कुलकर्णी
.
2 comments:
मस्त आहे रे तुझी कविता!!
आपला
केदार
http://mahapooja.co.cc
Amazing lines. Beautiful.
Post a Comment